महालक्ष्मी नगरपालिका
मिति २०७७/०३/१० गते प्रतिनिधि सभा सदस्य मा. कृष्णलाल महर्जनज्यूको प्रमुख आतिथ्यता र बागमती प्रदेशका प्रदेश मामिला समितिका सभापति एवम् प्रदेश सभा सदस्य मा. माधवप्रसाद पौडेलज्यूको विशेष आतिथ्यता र नगर प्रमुख श्री रामेश्वर श्रेष्ठज्यूको अध्यक्षतामा महालक्ष्मी नगरपालिका ललितपुरको आठौं नगरसभाको पाचौं बैठक सम्पन्न भयो । सो बैठकमा नगर उपप्रमुख श्री निर्माला थापाज्यूद्वारा प्रस्तुत आ.व. २०७७/०७८ को आय व्यय विवरण (बजेट) निर्णयार्थ पेस भई सर्वसम्मतिले पारित गरियो । त्यसै गरी आजको बैठकमा विनियोजन विधेयक, २०७७ निर्णयार्थ पेस भई सर्वसम्मतिले पारित गरियो । सभा सदस्य श्री नकुल थापाज्यूले सातौं नगरसभा पछि कार्यपालिकाले गरेका निर्णयहरु सभा समक्ष पेश गर्नुभयो र सभा मार्फत सो निर्णयहरु अनुमोदन गरियो । उपस्थित माननीयहरुको विशेष सम्बोधन पश्चात सभाध्यक्ष नगर प्रमुखज्यूले आठौं नगरसभा सम्पन्न भएको घोषणा गर्नुभयो ।
