महालक्ष्मी नगरपालिका वडा नं ९ स्तरीय सरसफाइ समितिको संयोजकत्वमा सम्पन्न "फोहर मैला व्यवस्थापन तथा झाडी सुधार कार्यक्रम"

मिति २०७७/०९/११ गते महालक्ष्मी नगरपालिका वडा नं ९ स्तरीय सरसफाइ समितिको संयोजकत्व र श्री भैरव श्रृजनशिल टोल विकास संस्थाको सहकार्यमा "फोहर मैला व्यवस्थापन तथा झाडी सुधार कार्यक्रम" सम्पन्न भयो। कार्यक्रममा सम्बोधन गर्नुहुँदै ९ नं वडाका वडा अध्यक्ष श्री बासुदेव शर्मा गौतमज्यूले वडा स्तरीय सरसफाइ अभियानको निरन्तरता स्वरूप आयोजित कार्यक्रममा स्थानीयहरूको उपस्थिति र सहभागिता उत्साहजनक रहेकोमा सबैलाई धन्यवाद दिनुहुँदै हरेक टोल टोलमा यस प्रकारका कार्यक्रमको आयोजना गरिने र जनमानसमा सरसफाइ र फोहोर व्यवस्थापन सम्बन्धी जनचेतना अभिवृद्धि गर्दै वडा तथा नगरलाई नै स्वच्छ, सफा र सुन्दर बनाउने लक्ष्य रहेको बताउनुभयो। साथै, उहाँले सरसफाइ तथा फोहर व्यवस्थापन एकदिन मात्रै नभई नियमित रुपमा गरिनुपर्ने कार्य भएकाले वडावासी र टोल विकास संस्थाहरुले यसलाई निरन्तरता दिने विश्वास व्यक्त गर्नुभयो। यस कार्यक्रममा वडा सदस्यहरू, टोल विकास संस्थाका पदाधिकारीका साथै वडावासी र समाज सेवी अभियन्ताहरूको उपस्थिति रहेको थियो।

यस अघि पनि वडा नं ९ स्तरीय सरसफाइ समितिको आयोजनामा नगर प्रमुखज्यू र नगर उपप्रमुखज्यूको आतिथ्यतामा निम्नानुसार कार्यक्रमहरू आयोजना गरिएको थियो।

निम्न :

१. सरसफाइ सामग्री वितरण कार्यक्रम (२०७७/०८/२० गते)

२. सरसफाइ कार्यक्रम (२०७७/०८/२७ गते)